Í VM starfar fulltrúaráð sem er stjórn félagsins til ráðgjafar og stuðnings við ýmis stærri málefni í starfsemi félagsins s.s. stefnumótun, kjarasamninga og meiriháttar framkvæmdir á vegum félagsins.

Fulltrúaráð er skipað 35 mönnum að meðtöldum 9 stjórnarmönnum og 8 varamönnum þeirra. Auk stjórnarmanna og varamanna þeirra eru 18 fulltrúar kjörnir í fulltrúaráðið til tveggja ára á aðalfundi. Fulltrúaráðið skal eftir því sem kostur er endurspegla breidd félagsins með hliðsjón af starfsgreinum, hópum og landshlutum og gætir uppstillinganefnd þess í tillögum sínum um fulltrúa.

Formaður félagsins er jafnframt formaður fulltrúaráðs og boðar hann til fundar þess eftir þörfum en fundir eru haldnir að lágmarki tvisvar sinnum á ári.